Սիրիայի արտաքին գործերի փոխնախարար Բաշար Ալ-Ջաֆարին ընդգծել է, որ «Սիրիայի և Արաբական Միացյալ Էմիրությունների միջև եղբայրական հարաբերություններն ամուր բնույթ են կրում»:
Դուբայում «Expo 2020» ցուցահանդեսում ԱՄԷ-ի տաղավար կատարած իր այցի ժամանակ Ալ-Ջաֆարին հայտարարել է, որ ԱՄԷ-ն իր շարունակական ջանքերի շնորհիվ կարողացել է առաջատար դառնալ բոլոր ոլորտներում՝ դրական և կառուցողական դեր խաղալով արաբական աշխարհում:
Նա շնորհավորել է ԱՄԷ-ին «Expo 2020» ցուցահանդեսը հաջողությամբ կազմակերպելու համար, որը միջազգային տնտեսական կարևորագույն իրադարձություններից մեկն է համարվում։
Հիշեցնենք, որ նախորդ շաբաթ Սիրիայի նախագահ Բաշար Ալ-Ասադը 12-ամյա դադարից հետո պաշտոնական առաջին այցով մեկնել էր Արաբական Միացյալ Էմիրություններ և հանդիպել ԱՄԷ-ի փոխնախագահ, վարչապետ և Դուբայի կառավարիչ շեյխ Մուհամմադ բըն Ռաշիդ Ալ-Մաքթումի հետ, ով ընդգծել է, որ ԱՄԷ-ն ցանկանում է կառուցողական համագործակցության նոր ուղիներ բացահայտել։
Իրանի արտգործնախարար Հոսեյն Ամիր Աբդոլլահինաը, ով պաշտոնական այցով մեկնել էր Դամասկոս, ողջունել էր Սիրիայի և արաբական որոշ երկրների միջև հարաբերությունների կարգավորումը:
Հետևեք մեզ տելեգրամում
