Իրաքի ԱԳ նախարար Ֆուադ Հուսեյնը Բաղդադում ընդունել է Ռուսաստանի Դաշնության դեսպան Էլբրուս Կուտրաչյովին:
Հանդիպման ժամանակ քննարկվել են երկկողմ հարաբերությունները և համագործակցության հեռանկարները։
Ֆուադ Հուսեյնը շեշտել է, որ «Իրաքը բավականաչափ տուժել է պատերազմներից»՝ ավելացնելով, որ դեմ է պատերազմներին և տնտեսական պատժամիջոցներին: Նրա խոսքով՝ պատերազմի շարունակությունը Ուկրաինայում կհանգեցնի հսկայական գնաճի։
Իրաքի ԱԳ նախարարը նաև հավելել է, որ «Արաբական կոնտակտային խումբը» նպատակ ունի Ռուսաստանի և Ուկրաինայի արտգործնախարարների հետ առանձին հանդիպումներից հետո աշխատել կրակի դադարեցման և խաղաղության բանակցությունների վերսկսման շուրջ։
Ռուսաստանի դեսպանը իր հերթին ներկայացրել է ուկրաինական պատերազմում տեղի ունեցող վերջին իրադարձությունները և նշել, որ «ռազմական գործողությունները Ռուսաստանի համար կրում են պաշտպանողական բնույթ»:
Նշենք, որ ավելի վաղ արաբական որոշ երկրների արտգործնախարարներից կազմված կոնտակտային խումբը մեկնել էր Մոսկվա՝ ՌԴ արտգործնախարարի հետ հանդիպելու համար: Պատվիրակության կազմում էին ԱՊԼ գլխավոր քարտուղար Ահմեդ Աբուլ Ղեյտը, ինչպես նաև Հորդանանի, Իրաքի, Եգիպտոսի, Սուդանի և Ալժիրի արտգործնախարարները:
Հետևեք մեզ տելեգրամում
