Կիրակի Իսրայելի վարչապետ Յաիր Լապիդը և Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել:
Էրդողանը Լապիդին հաջողություն է մաղթել վարչապետի լիազորություններն ու գործառույթները ստանձնելու գործում և գոհունակություն հայտնել նրա՝ Անկարա կատարած այցի համար որպես արտգործնախարար:
Իր հերթին Լապիդը շնորհավորել է Էրդողանին Էյդ Ալ-Ադհա տոնի կապակցությամբ:
«Զրույցի ընթացքում առաջնորդներն ընդգծել են, որ թուրք-իսրայելական հարաբերությունները շատ կարևոր են Մերձավոր Արևելքի անվտանգության, կայունության և տնտեսության համար»,- նշված է Իսրայելի վարչապետի գրասենյակի տարածած հայտարարությունում:
Կողմերը նաև ողջունել են նախորդ շաբաթ ավիացիայի ոլորտում երկու երկրների միջև ստորագրված համաձայնագիրը, որը թույլատրում է իսրայելական ավիաընկերություններին թռիչքներ կատարել դեպի Թուրքիա:
Հետևեք մեզ տելեգրամում
