Երեկ երեկոյան Իսրայելի զինված ուժերն ավիահարվածներ են հասցրել Սիրիայի Համա քաղաքի արևմտյան արվարձանների գյուղերին: Տեղեկությունը հայտնում է Մարդու իրավունքների սիրիական դիտարանը:
Դիտարանը մանրամասնել է, որ իսրայելական ԱԹՍ-երը թիրախավորել են Մասյաֆ շրջանի արևմտյան հատվածում գտնվող Վադի ալ-Այուն ճանապարհը կենտրոնը և Սուվեյդա շրջանը:
Իր հերթին, սիրիական պաշտոնական լրատվական գործակալությունը հայտնել է, որ Սիրիայի հակաօդային պաշտպանությունը ետ է մղել իսրայելական գրոհը: Վիրավորվել է 2 քաղաքացի:
Միևնույն ժամանակ Al Arabiya-ի թղթակիցը հայտնել է, որ Իսրայելը մեկ այլ գրոհ է իրականացրել Տարտուսում: Հաղորդվում է, որ այս գործողությունների թիրախում են եղել «Հեզբոլլահի համար նախատեսված զինամթերքի խմբաքանակի» ոչնչացումը:
Իսկ սիրիական լրատվամիջոցները տեղեկացրել են, որ «իսրայելական հրետակոծության հետևանքով մեծ հրդեհ է բռնկվել Տարտուսի գյուղերից մեկում»:
Հետևեք մեզ տելեգրամում
