Հարավային Կովկասում ադրբեջանա-թուրքական համատեղ զորավարժությունների անցկացումը ավելացնում է տարածաշրջանի երկրների միջև թշնամանքը և սպառազինության մրցավազքի է հանգեցնում: Նման տեսակետ է հայտնել իրանական Qafqaz լրատվամիջոցը:
«Կասկած չկա, որ այս զորավարժությունների անցկացումը առաջին հերթին ապահովում է Թուրքիայի շահերը»,- նշվել է հոդվածում:
Ընդգծվել է, որ զորավարժության անցկացման նպատակներից մեկը նոր գնված սպառազինության փորձարկումն է:
Հիշեցնենք, որ այսօր Ադրբեջանում Թուրքիայի և Ադրբեջանի օդուժի ստորաբաժանումները համատեղ մարտավարական թռիչքային վարժանքներ են մեկնարկել: Մեկնարկի արարողությանը ներկա են գտնվել Գյանջայի քաղաքապետը, ադրբեջանական և թուրքական բանակների բարձրաստիճան սպաներ։
Հետևեք մեզ տելեգրամում
