Փետրվարի 1-ին Թուրքիայի ազգային պաշտպանության նախարար Հուլուսի Աքարը Թուրքիայի ԳՇ պետի, ՑՈւ, ՌԾՈւ և ՌՕՈւ հրամանատարների հետ միասին «Ձմեռ-2023» զորավարժության բարձր մակարդակի դիտարկման օրվան հետևելու համար ժամանել է Կարս։
Աքարն օդանավակայանում դիմավորել է միևնույն նպատակով Կարս ժամանած Ադրբեջանի ՊՆ Զաքիր Հասանովին և նրանք շարժվել են Գեներալ Միդհատ Քոփսավաշ զորամաս։ Զորամասում Աքարը հանդիպում է անցկացրել Զաքիր Հասանովի և Վրաստանի ՊՆ ղեկավար Ջուանշեր Բուրչուլաձեի հետ։
Թուրքիայի զինուժի հրամանատարական դասի մասնակցությամբ կայացած եռակողմ հանդիպմանը մտքեր են փոխանակվել ռազմական կրթության և համագործակցության հարցերի, տարածաշրջանային զարգացումների վերաբերյալ։
Հիշեցնենք, որ երեք երկրների ՊՆ ղեկավարները հանդիպել էին նաև 2022թ․ դեկտեմբերի 21-ին՝ Կայսերիում կայացած Թուրքիա-Վրաստան-Ադրբեջան ՊՆ ղեկավարների ժողովի շրջանակում։
Հետևեք մեզ տելեգրամում
