Այսօր Կահիրեում Ալեքսանդրիայի ղպտի ուղղափառ եկեղեցու առաջնորդ Թեոդորոս Երկրորդ պապն ընդունել է ՀՀ ԱԳ նախարար Արարատ Միրզոյանին և նրան ուղեկցող պատվիրակությանը: Տեղեկությունը փոխանցում են եգիպտական ԶԼՄ-ները:
Վեհափառ Թեոդորոս Երկրորդը ողջունել է հյուրերին և բարձր գնահատել սերտ հարաբերություններն ինչպես Հայաստանի և Եգիպտոսի, այնպես էլ ղպտի ուղղափառ եկեղեցու և հայ առաքելական եկեղեցու միջև:
Իր հերթին, Հայաստանի արտգործնախարարը երախտագիտություն է հայտնել ընդունելության համար և ընդգծել հայ-եգիպտական ամուր հարաբերություններն՝ անդրադառնալով նախագահ Ալ-Սիսիի՝ Հայաստան կատարած այցին և հավելել, որ այցը բարձր է գնահատվել Հայաստանի կողմից:
Նշվել է, որ հանդիպմանը ներկա է եղել նաև Եգիպտոսում ՀՀ դեսպան Հրաչյա Փոփլադյանը:
Հիշեցնենք, որ Արարատ Միրզոյանը Կահիրե է մեկնել Արաբական պետությունների լիգայի խորհրդի` նախարարական մակարդակով 159-րդ նիստին մասնակցելու համար:
Հետևեք մեզ տելեգրամում
