Մարտի 22-ին Սիրիայի նախագահ Բաշար Ասադը համընդհանուր համաներման հրամանագիր է ստորագրել։ Սիրիայի Արաբական Հանրապետության արդարադարտության նախարարի խոսքով՝ այս միջոցառումը կարող է օգնել բանտերում կորոնավիրուսի բռնկման և տարածման կանխարգելմանը։
Հրամանագիրը վերաբերում է մինչև 2020թ․ մարտի 22-ը գործված հանցանքներին։ Այն մինչ օրս եղած բոլոր համաներումներից ամենամասշտաբայինն է և ընդգրկում է նաև այնպիսի հանցագործություններ, որոնց նկատմամբ նախկինում երբեք համաներում չի կիրառվել։ Նշենք, որ Սիրիայի նախագահը նախկինում ևս մի քանի անգամ համընդհանուր համաներում է հայտարարել։
Հիշեցնենք, որ մարտի 22-ին Սիրիայում արձանագրվել է կորոնավիրուսի առաջին դեպքը։ Վարակակիրը 20-ամյա մի աղջիկ է, որ վերադարձել է արտերկրից։
Հետևեք մեզ տելեգրամում
