Հայաստանում անցկացված երեք մարդահամարների արդյունքներով՝ ՀՀ բնակչությունը շարունակաբար նվազում է։ Բնակչության նվազման հիմնական պատճառներից են՝ արտագաղթը և ծնելիության ցածր մակարդակը։
Պտղաբերության գործակիցը Հայաստանում 1.7 է։ Երբ այդ գործակիցը ցածր է 2.1-ից, նշանակում է, որ բնակչությունը չի վերարտադրվում։ Ֆինանսական, առողջական խնդիրները, երկրի իրադրությունը այն հիմնական պատճառներից են, որ հայ զույգերը չեն ցանկանում երեխա ունենալ։
Ծնելիության վրա ազդող խնդիրներից է անպտղությունը։ 2021-ի տվյալներով՝ անպտղության գործակիցը 16.8% է Հայաստանում։ Ըստ Համաշխարհային առողջապահության կազմակերպության՝ 15%-ից բարձր ցուցանիշը համարվում է ճգնաժամային և անդրադառնում է ժողովրդագրության, ծնելիության վրա: Վերջին տարիներին Հայաստանում հատկապես աճել է երկրորդային անպտղությունը։
Ստեղծված իրավիճակում, ծնելիության խնդիրն այն գործոններից մեկն է, որն ազդում է ՀՀ բնակչության ծերացման վրա, ինչն էլ իր հերթին տնտեսական ու անվտանգային մարտահրավերներ է ստեղծում երկրի համար։
Ավելի մանրամասն՝ կից գրաֆիկում:
Ժաննա Վարդանյան
Հետևեք մեզ տելեգրամում
