Իսրայելին սպասվում են «ծանր օրեր», սակայն երկիրը պատրաստ է դիմակայել ցանկացած սպառնալիքի։ Այս մասին հայտարարել է վարչապետ Բենիամին Նեթանյահուն։
«Մեզ դժվար օրեր են սպասվում. Բեյրութի հարձակումից հետո սպառնալիքներ են հնչել բոլոր կողմերից: Մենք պատրաստ ենք ցանկացած սցենարի և վճռականորեն դիմակայելու ենք ցանկացած սպառնալիքի մեր ողջ ուժով։ Իսրայելը ձեզ կստիպի վճարել թանկ գին»,- ասել է նա:
Ըստ իսրայելական լրատվամիջոցների՝ իսրայելցի դիվանագետներին ամբողջ աշխարհում արդեն հանձնարարվել է ավելի բարձրացնել անվտանգությունը և խուսափել մարդաշատ վայրերից։
Հիշեցնենք, որ Իրանի հոգևոր առաջնորդ Ալի Խամենեին ավելի վաղ հայտարարել էր, որ Իսրայելը խստագույն ձեւով է պատժվելու Թեհրանում պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեի սպանության համար։
Հետևեք մեզ տելեգրամում
