Իսրայելի վարչապետ Բենյամին Նեթանյահուն ժամանել է Թել Ավիվի շրջանային դատարան և ներկայացել որպես մեղադրյալ։ Նա ցուցմունք է տալու կոռուպցիոն երեք գործերով՝ կաշառակերության, խարդախության և հանրային վստահության չարաշահման։
Նեթանյահուն Իսրայելի կառավարության առաջին գործող ղեկավարն է, որը ցուցմունք է տվել իր դեմ քրեական դատավարության ընթացքում:
Իսրայելի վարչապետի դեմ հետաքննությունը սկսվել է 2016 թվականին, իսկ նրա դեմ առաջին պաշտոնական մեղադրանքը այս երեք գործերով հարուցվել է 2019 թվականին։
Վարչապետը բազմիցս հերքել է այս մեղադրանքները՝ դա վերագրելով ընդդիմության կողմից վհուկների որս սկսելու և իրեն վարկաբեկելու փորձին։
Հետևեք մեզ տելեգրամում
