Իսրայելի բանակը պաշտոնապես հայտարարել է, որ սկսել է Գազայի հատվածից պատանդներին ընդունելու նախապատրաստական աշխատանքները, որոնք մոտ ապագայում պետք է ազատ արձակվեն։
«Պատանդների վերադարձի համար Իսրայելի պաշտպանության բանակի նախապատրաստական գործունեությունը կոչվում է «Ազատության թևեր»,-ասվում է Իսրայելի բանակի մամուլի ծառայության հաղորդագրության մեջ։
Ավելի վաղ Al-Kahira al-Ikhbariya հեռուստաալիքը, հղում անելով իր աղբյուրին, հայտնել էր, որ Իսրայելն ու «ՀԱՄԱՍ»-ը պայմանավորվածություն են ձեռք բերել պատանդներին ազատ արձակելու և Գազայի հատվածում հրադադար հաստատելու շուրջ։ Գործարքի մասին դեռ պաշտոնապես չի հայտարարվել։
Իսրայելի վարչապետ Բենիամին Նեթանյահուի գրասենյակը հայտնել է, որ բանակցություններում դեռևս կան որոշ չլուծված խնդիրներ, որոնք իսրայելական կողմը հույս ուներ լուծել մեկ գիշերվա ընթացքում:
Հետևեք մեզ տելեգրամում
