Վրաստանը 2024թ․ զբոսաշրջային այցելությունների ռեկորդ է սահմանել, հայտարարել է Վրաստանի Զբոսաշրջության ազգային վարչության ղեկավար Մայա Օմիաձեն։
Նրա խոսքով, Վրաստանը 2024 թվականին ընդունել է մոտ 7,4 միլիոն միջազգային ճանապարհորդի, որից 5,1 միլիոնը զբոսաշրջիկներ են։ 2024 թվականին Վրաստան միջազգային ճանապարհորդների այցելությունների թիվը 2023 թվականի համեմատ աճել է 4,2 տոկոսով, իսկ զբոսաշրջիկներին՝ 9%-ով։
«2024 թվականին Վրաստանը զբոսաշրջային այցելությունների լրիվ ռեկորդային ցուցանիշ է ունեցել, մենք հասել ենք 5,1 միլիոն այցելության, ինչը երկրի պատմության մեջ ամենաբարձր ցուցանիշն է»,- ասել է Օմիաձեն՝ շեշտելով, որ 2025 թվականին Վրաստանը կշարունակի աշխատել զբոսաշրջիկների ներգրավման ուղղությամբ՝ առաջնահերթություն տալով ԵՄ-ին, ԱՄՆ-ին, Մերձավոր Արևելքին և Իսրայելին։
2024 թվականին Վրաստան ամենաշատն այցելել են Ռուսաստանի քաղաքացիները՝ ավելի քան 1,4 միլիոն, ինչը 0,2 տոկոսով ավելի է, քան 2023 թվականը։ ՌԴ քաղաքացիներին հաջորդում են Թուրքիայի, Հայաստանի, Ադրբեջանի և Իսրայելի քաղաքացիները։ Լավագույն 15 երկրների թվում են նաև Ղազախստանը, Իրանը, Բելառուսը, Ուկրաինան, Հնդկաստանը, Սաուդյան Արաբիան, Չինաստանը, Գերմանիան, Լեհաստանը և Ուզբեկստանը։
Հետևեք մեզ տելեգրամում
