Իսրայելի և Լիբանանի իշխանությունները պայմանավորվածություն են ձեռք բերել մինչև փետրվարի 18-ը երկարաձգել Լիբանանի տարածքից իսրայելական զորքերի դուրսբերման ժամկետների մասին համաձայնագիրը։ Այս մասին ասված է Սպիտակ տան կողմից կիրակի օրը տարածված հայտարարության մեջ։
«Լիբանանի և Իսրայելի միջև համաձայնագիրը, որը վերահսկվում է ԱՄՆ-ի կողմից, ուժի մեջ կմնա մինչև 2025 թվականի փետրվարի 18-ը»,-ասվում է փաստաթղթում։
«Լիբանանի, Իսրայելի և Միացյալ Նահանգների կառավարությունները նույնպես բանակցություններ կսկսեն 2023 թվականի հոկտեմբերի 7-ից հետո կալանավորված լիբանանցի բանտարկյալների վերադարձի շուրջ»,-ասվում է հայտարարության մեջ։
Հիշեցնենք, որ նոյեմբերի 27-ին ուժի մեջ է մտել 60-օրյա զինադադարի մասին համաձայնագիրը՝ ըստ որի Իսրայելը մինչև հունվարի 27-ն ամբողջությամբ պետք է դուրս բերեր իր զորքերը հարավային Լիբանանից:
Հունվարի 24-ին Իսրայելի վարչապետ Բենյամին Նեթանյահուի գրասենյակը հայտնեց, որ հարավային Լիբանանից Իսրայելի դուրսբերումը կշարունակվի այդ ժամկետից հետո, քանի որ լիբանանյան կողմը դեռ ամբողջությամբ չի կատարել գործարքի պայմանները։
Հետևեք մեզ տելեգրամում
