Թուրքիայում սահմանափակվել է մի շարք սոցիալական ցանցերի մուտքը

Ստամբուլի ընդդիմադիր քաղաքապետ Էքրեմ Իմամօղլուի կալանավորումից հետո Թուրքիան սահմանափակել է մի շարք սոցիալական ցանցերի մուտքը։ Այս մասին X-ում գրել է NetBlocks ինտերնետ մոնիթորինգի միջազգային ծառայությունը։

Նրա տվյալներով՝ սահմանափակումների են ենթարկվել YouTube-ի հոսթինգի, X-ի, TikTok սոցիալական ցանցի, ինչպես նաև Instagram-ի աշխատանքները։ Այս պահին այլ մանրամասներ չեն հաղորդվում:

NTV-ի փոխանցմամբ՝ Ստամբուլի գլխավոր դատախազությունը Իմամօղլուի և ավելի քան 100 այլ անձանց դեմ կոռուպցիայի, կաշառակերության և ահաբեկիչների հետ համագործակցության մեղադրանք է առաջադրել։ Ըստ Ստամբուլի գլխավոր դատախազության՝ ձերբակալվածներից յոթը, այդ թվում Իմամօղլուն, կասկածվում են Թուրքիայում ահաբեկչական համարվող «Քրդիստանի բանվորական կուսակցությանը» (ՔԲԿ-PKK) /«Քրդիստանի համայնքների միության» (ՔՀՄ-KCK) գործադիր խորհդին օգնություն ցուցաբերելու մեջ։