Վրաց-ռուսական սահմանի մոտ գտնվող Ստեփանծմինդա գյուղում նախատեսվում է 1500 տեղանոց ավտոկայանատեղի կառուցել։
Ստեփանծմինդայով անցնող ճանապարհը միակն է, որը Վրաստանն ու Ռուսաստանը կապում է Կազբեկ-Վերին Լարս անցակետով։ Ձմռանը ճանապարհներին առկա է ձնահյուսքի և մերկասառույցի վտանգ, ինչի պատճառով մեքենաները հաճախ ստիպված են սպասել։
Ավտոկայանատեղին կտեղակայվի Ստեփանծմինդայից հարավ գտնվող 136,5 հազար քառ․ մետր տարածքի վրա։ Global Parking ընկերությունը նախագիծն արդեն ներկայացրել է Բնապահպանական վերահսկողության վարչություն:
Ներկայացված փաստաթղթերում նշվում է, որ նախագիծը կնպաստի զբոսաշրջության ոլորտի զարգացմանը։ Մասնավորապես, մեծ մակերեսով կայանատեղին կապահովի Կազբեկում ավելի հարմարավետ լոգիստիկա և ճանապարհորդություն։
Բացի այդ, ծրագիրը նպատակ ունի բարելավել տրանսպորտային ենթակառուցվածքը, այսինքն՝ վերացնել երթևեկության գերբեռնվածության խնդիրը։
Ծրագիրը կաջակցի նաև տեղական բիզնեսներին, որոնց եկամուտը ռեստորաններից և հյուրանոցներից կաճի զբոսաշրջային հոսքի աճի ֆոնին։
Հետևեք մեզ տելեգրամում
