Երկու իսրայելական անանուն աղբյուր «Clash Report» լրատվամիջոցի հետ զրույցում հաստատել է, որ Իսրայելն ու Թուրքիան դե ֆակտո համաձայնության են եկել Սիրիայում առկա երկկողմանի լարվածությունը թուլացնելու ուղղությամբ:
Ըստ պայմանավորվածության՝ Իսրայելի ռազմական գործողությունները Սիրիայում կշարունակվեն, բայց սահմանափակ ձևով, ընդ որում գործողությունների ծավալն ու ինտենսիվությունը ենթակա են համապատասխան ճշգրտումների:
Իսրայելական երկրորդ աղբյուրը թուրք-իսրայելական վերջին բանակցությունները որակել է որպես «կառուցողական»:
Հիշեցնենք, որ թուրք-իսրայելական լարվածությունը սրվեց Սիրիայի Համան և Տիասի (T4) ռազմակայանների ուղղությամբ Իսրայելի ավիահարվածներից հետո։ Նշված «T4» ռազմաբազայում Թուրքիան նախատեսում է մոտ ապագայում տեղակայել իր ստորաբաժանումները, այդ թվում՝ հետախուզական և հարվածային անօդաչու թռչող սարքեր (ԱԹՍ), ինչպես նաև «Hisar» տիպի հակաօդային համակարգեր։
Հետևեք մեզ տելեգրամում
