Լիբանանի նախագահ Ջոզեֆ Աունը հայտարարել է, որ «Հեզբոլլահ»-ը չի ձգտում պատերազմել Իսրայելի հետ և հույս է հայտնել, որ երկրում գտնվող ողջ զենքը պետության վերահսկողության տակ կհայտնվի 2025թվականի ավարտին։ Այս մասին նա ասել է Al-Araby Al-Jadeed- թերթին տված հարցազրույցի ժամանակ։
Աունն ընդգծել է, որ զենքը պետական իշխանության տակ կենտրոնացնելու որոշումն ընդունված է, թեև դրա իրականացման մեխանիզմները դեռ քննարկման փուլում են։ Նա հայտարարել է, որ Լիբանանի նախագահության և «Հեզբոլլահ»-ի միջև երկխոսությունը շարունակվում է, մնում է առաջընթացի նախընտրելի ճանապարհը։
«Մենք մտադիր չենք կրկնել Իրաքի ժողովրդական մոբիլիզացիոն ուժերի մոդելը: Բայց եթե «Հեզբոլլահ»-ի անդամները ցանկանում են միանալ բանակին, նրանք կարող են անցնել նույն ինտեգրման դասընթացները, որոնք տրամադրվել են լիբանանյան տարբեր խմբակցությունների նախկին անդամներին քաղաքացիական պատերազմից հետո»,-հավելել է Լիբանանի նախագահը:
Հետևեք մեզ տելեգրամում
