Իրանի ԱԳՆ խոսնակ Էսմայիլ Բաղաեին լրագրողների հետ զրույցում հայտնել է, որ Ադրբեջանում Իրանի դեսպանի ընտրության գործընթացն ավարտական փուլում է։
«Հաշվի առնելով Ադրբեջանի հետ հարաբերությունների կարգավորման ընթացքն՝ անհրաժեշտ քայլերն արդեն ձեռնարկվել են, և դեսպանի ընտրության գործընթացը գտնվում է ավարտական փուլում։ Մեր հարաբերությունները Ադրբեջանի հետ միշտ եղել են նորմալ և բարեկամական շրջանակում»,-ասել է Բաղաեին՝ անդրադառնալով Իրանի և Ադրբեջանի միջև հարաբերություններին ու այդ երկրում դեսպանի նշանակման գործընթացի մասին հարցին։
ԱՄՆ-ի հետ միջուկային բանակցությունների վերաբերյալ նա նշել է, որ Իրանը շարժվում է զգուշությամբ՝ ըստ հստակ ցուցումների, և ուշադիր հետևում է մյուս կողմի քայլերին՝ համապատասխան որոշումներ կայացնելու համար։ Բաղաեին շեշտել է, որ Իրանը չի դադարեցնելու իր միջուկային ծրագիրը՝ հավելելով, որ առանց հստակ և վստահելի երաշխիքների համաձայնություն չի լինի։
Հետևեք մեզ տելեգրամում
