Թրամփը նշել է Իրանի հետ համաձայնագիր կնքելու պայմանը

ԱՄՆ նախագահ Դոնալդ Թրամփը հայտարարել է, որ ցանկանում է համաձայնագիր կնքել Իրանի հետ, եթե վերջինս հրաժարվի միջուկային զենքի ստեղծումից։

«Ես ուզում եմ գործարք կնքել Իրանի հետ, եթե հնարավոր է, ինչ-որ բան անել։ Բայց նա պետք է դադարեցնի ահաբեկչության հովանավորությունը, դադարեցնի արյունալի միջնորդական պատերազմներ վարելը և ընդմիշտ հրաժարվի միջուկային զենք ստեղծելու իր նպատակից»,-ասել է Թրամփը Միացյալ Նահանգների և Ծոցի արաբական երկրների համագործակցության խորհրդի գագաթնաժողովում։