Վրաստանի Քրեական օրենսգրքում կատարվել են փոփոխությունները, որով դատարաններին իրավունք են տալիս որոշակի հանցագործությունների համար օտարերկրացիների դեպքում որպես պատիժ կիրառել երկրից արտաքսումը՝ հետագա մուտքի արգելքով։ Այս փոփոխությունն ուժի մեջ կմտնի հոկտեմբերի 1-ից։
Նոր կանոնների համաձայն՝ Վրաստանի սահմանը անօրինական կերպով հատելու, միգրանտներ անօրինական տեղափոխելու կամ երկրում անօրինական միգրանտների մնալու համար պայմաններ ստեղծելու մեջ մեղադրվող օտարերկրացիների նկատմամբ որպես ազատազրկման այլընտրանք կարող է կիրառվել Վրաստանից արտաքսումը և որոշակի ժամկետով երկիր մուտք գործելու արգելքը։
Օտարերկրացին կարտաքսվի երկրից կամ կազատազրկվի մեկից վեց տարի ժամկետով, եթե նա դիտավորյալ ոչնչացնի ճանապարհորդական փաստաթուղթը, չունենա նման փաստաթուղթ, կամ խուսափի փաստաթուղթ ստանալու ընթացակարգից կամ այլ միջոցներով հրաժարվի կատարել դատարանի որոշումը։
Նման արարքի կրկնակի կատարումը, բռնությամբ կամ բռնության սպառնալիքով զուգորդված արարքը ենթադրում է հինգից ինը տարի ժամկետով ազատազրկում կամ անհապաղ արտաքսում։
Հետևեք մեզ տելեգրամում
