Իսրայելի ագրեսիվ գործողությունները ցույց են տալիս, որ այն չի ցանկանում խաղաղություն և կայունություն, և որ սպառնալիք է ներկայացնում տարածաշրջանի համար։ Այս մասին ՄԱԿ-ում հայտարարել է Թուրքիայի արտգործնախարար Հաքան Ֆիդանը։
«Իսրայելի հարձակումները խորացնում են էթնիկական բաժանարար գծերը տարածաշրջանում։ Մեզ բոլորիս համար պետք է պարզ լինի, որ Իսրայելը չի ցանկանում խաղաղություն, նրան կայունություն պետք չէ: Իսրայելը փորձում է իր ագրեսիայի ռազմավարությունը իրագործել ոչ միայն Պաղեստինում, այլև Լիբանանում, Սիրիայում և Իրանում»,-նախարարի խոսքերն է մեջբերում «Սթար» թերթը։
Ֆիդանն ընդգծել է պաղեստինյան ժողովրդի օրինական իրավունքների ճանաչման և անկախ պաղեստինյան պետության ստեղծման կարևորությունը՝ որպես Մերձավոր Արևելքում խաղաղության ապահովման հիմք։ «Մենք կշարունակենք աշխատել Պաղեստին պետության միջազգային ճանաչման համար»,-նշել է Թուրքիայի արտգործնախարարը։
Հետևեք մեզ տելեգրամում
