Սիրիայի անցումային նախագահ Ահմադ ալ-Շարաան «անօրինական զինված խմբավորումներին» մեղադրել է Աս-Սուվեյդա նահանգի հարավային մասում հրադադարի ռեժիմը խախտելու մեջ: Սիրիայի առաջնորդի գրասենյակի համապատասխան հայտարարությունը տարածել է SANA գործակալությունը։
«Հուլիսի 16-ին երկրի ղեկավարությունը որոշեց դուրս բերել զորքերը Աս-Սուվեյդայից, քանի որ տրվել էին երաշխիքներ, որ անօրինական զինված խմբավորումները չեն հարձակվի խաղաղ բնակչության վրա։ Սակայն, սիրիական զինվորականների դուրսբերումից հետո այդ խմբավորումները սարսափելի հանցագործություններ են կատարել խաղաղ բնակչության դեմ, ինչը ձեռք բերված պայմանավորվածությունների ակնհայտ խախտում է»,-ասվում է հայտարարության մեջ։
Ալ-Շարաան հավելել է, որ կոչ է արել «բոլոր կողմերին պահպանել հանգստություն և զսպվածություն» և խոստացել է «արդարադատության առաջ կանգնեցնել խախտումներ կատարելու մեջ ներգրավված բոլորին՝ անկախ նրանց ազգային պատկանելությունից»։ Նա նաև զգուշացրել է Իսրայելի ղեկավարությանը չմիջամտել Սիրիայի ներքին գործերին, ընդգծելով, որ հրեական պետության գործողությունները «միայն սրում և բարդացնում են տարածաշրջանում տիրող իրավիճակը»։
Հետևեք մեզ տելեգրամում
