ՄիացյալՆահանգները պատրաստ է անհրաժեշտության դեպքում կրկին հարվածել Իրանի միջուկային օբյեկտներին: Նման հայտարարությամբ հանդես է եկել ԱՄՆ նախագահ Դոնալդ Թրամփն այն բանից հետո, երբ Իսլամական Հանրապետության արտաքին գործերի նախարար Աբբաս Արաղչին խոսեց նախորդ հարձակումից հետո լուրջ վնասների մասին։
«Արտաքին գործերի նախարար Աբբաս Արաղչին Իրանի միջուկային օբյեկտների մասին. «Վնասները շատ լուրջ են, դրանք ոչնչացված են»։ Իհարկե, դա այնպես է, ինչպես ասել եմ, և մենք դա կրկին կանենք անհրաժեշտության դեպքում»,-գրել է Սպիտակ տան ղեկավարը Truth Social-ում։
Թրամփը նաև կոչ է արել CNN-ին ազատել «իր կեղծ լրագրողին» և ներողություն խնդրել ԱՄՆ նախագահից ու Ռազմաօդային ուժերի օդաչուներից, ովքեր, ըստ նրա, ոչնչացրել են միջուկային օբյեկտները։
Ավելի վաղ Արաղչին Fox News-ին տված հարցազրույցում ասել էր, որ երկրում ներկայումս ուրանի հարստացում չի իրականացվում, քանի որ ամերիկյան հարվածները հանգեցրել են «լուրջ վնասի»։ Սակայն, ըստ նրա, Թեհրանը չի մտադիրվում հրաժարվել հարստացումից և դա համարում է ազգային հպարտության հարց։
Հետևեք մեզ տելեգրամում
