Պաղեստինյան «ՀԱՄԱՍ» շարժումը Իսրայելի հետ ոչ ուղիղ բանակցություններին ներկայացված վերջին նախաձեռնությանն ի պատասխան պահանջել է հակամարտող կողմերի միջև կնքվող համաձայնագրի տեքստում ներառել է կետ՝ Գազայի հատվածում հնարավոր 60-օրյա զինադադարի ավարտից հետո ռազմական գործողությունները չվերսկսելու երաշխիքների վերաբերյալ: Այս մասին հայտնել է շարժմանը մոտ կանգնած Maan գործակալությունը:
Կայքի աղբյուրների փոխանցմամբ՝ «ՀԱՄԱՍ»-ը «պնդում է, որ այս պայմանը որպես առանձին կետ ներառվի Գազայի հատվածում հրադադարի համաձայնագրում»։ Մինչև վերջերս շարժումը պահանջում էր, որ Միացյալ Նահանգները երաշխիքներ տրամադրի այս հարցի վերաբերյալ։
«ՀԱՄԱՍ»ը գտնում է, որ ենթադրյալ 60-օրյա զինադադարի ավարտից հետո, եթե այս ընթացքում չհաջողվի ընդհանուր համաձայնություններ ձեռք բերել Գազայում պատերազմը դադարեցնելու վերաբերյալ, կողմերի միջև բանակցությունները պետք է շարունակվեն։
Հետևեք մեզ տելեգրամում
