Ապրիլի 27-ին ներկայիս Թուրքիայի Հանրապետության Ադանայի նահանգի Սեյհան շրջանում ոստիկանի «կանգ առ» հրամանին չենթարկվելու պատճառով 19-ամյա սիրիացի երիտասարդ է սպանվել։
Նշվում է, որ ոստիկանը հրահանգել է սիրիացի երիտասարդին կանգնել, սակայն վերջինս փախչել է։ Ոստիկանը կրակել է երիտասարդի ոտքին և սրտին։ Չնայած բուժաշխատողների կատարած բոլոր անհրաժեշտ միջամտություններին, երիտասարդի կյանքը չի հաջողվել փրկել։
Թուրքական մի շարք լրատվամիջոցներ նշել են, որ ոստիկանը կրակել է երիտասարդի ոտքին, սակայն հետո տարածված տեսանյութերից և լուսանկարներից պարզ է դարձել, որ կրակոցը եղել է նաև սրտի ուղղությամբ։
Դեպքի առնչությամբ Ադանայի նահանգապետարանը հայտարարություն է տարածել։ Ըստ որի՝ դեպքը տեղի է ունեցել ապրիլի 27-ին տեղական ժամանակով ժամը 12։00-ի սահմաններում։ Սիրիացի երիտասարդը պատահաբար է վիրավորվել։ Վերջինիս սպանած ոստիկանը հարցաքննությունից հետո ազատ է արձակվել, սակայն հետաքննությունը շարունակվում է։
Հետևեք մեզ տելեգրամում
