Իսրայելի վարչապետ Բենյամին Նեթանյահուն այն բանից հետո, երբ Լոնդոնը հայտարարեց Պաղեստինի պետությունը ճանաչելու ծրագրերի մասին իր բրիտանացի գործընկեր Քեյր Սթարմերին մեղադրել է «ՀԱՄԱՍ»-ի «հրեշավոր ահաբեկչությունը խրախուսելու» մեջ:
«Սթարմերը խրախուսում է «ՀԱՄԱՍ»-ի հրեշավոր ահաբեկչությունը և պատժում դրա զոհերին: Այսօր Իսրայելի հետ սահմանին գտնվող ջիհադիստական պետությունը վաղը կսպառնա Մեծ Բրիտանիային»,-X-ում գրել է Իսրայելի կառավարության ղեկավարը՝ հավելելով, որ «դա տեղի չի ունենա»:
Ավելի վաղ հրեական պետության արտաքին գործերի նախարարությունը հայտարարել էր, որ Իսրայելը մերժում է Սթարմերի հայտարարությունը՝ այն անվանելով ««ՀԱՄԱՍ»-ի համար պարգև»։ Արտաքին գործերի նախարարության հայտարարության մեջ նշվում էր, որ Լոնդոնի ծրագրերը «վնաս են հասցնում Գազայում հրադադարի և պատանդների ազատ արձակման վերաբերյալ համաձայնության հասնելու ջանքերին»։
Հետևեք մեզ տելեգրամում
