ԱՄՆ կառավարությունը պատժամիջոցներ է կիրառել 50 իրանցի անհատների և կազմակերպությունների, ինչպես նաև Իրանի կողմից վերահսկվող ավելի քան 50 նավերի նկատմամբ, որոնք, ըստ Վաշինգտոնի, ներգրավված են եղել նավթի առևտրում: Սա 2018 թվականից ի վեր ամենամեծ նմանատիպ պատժամիջոցների փաթեթն է։
«Կիրառված ավելի քան 115 պատժամիջոցները ամենամեծն են մինչ օրս՝ Թրամփի վարչակազմի կողմից Իրանի վրա առավելագույն ճնշման արշավը սկսելուց ի վեր: Այս միջոցառումները Ամերիկան դնում են առաջին տեղում՝ թիրախավորելով «ռեժիմի» էլիտային, որը շահույթ է ստանում, մինչդեռ Թեհրանը սպառնում է Միացյալ Նահանգների անվտանգությանը»,-ասված է ֆինանսների նախարար Սքոթ Բեսենթի հայտարարության մեջ:
Հայտարարության մեջ ասվում է, որ պատժամիջոցների տակ գտնվող անձինք, ընկերությունները և նավերը իրանական նավթի առևտրով զբաղվող համաշխարհային ցանցի մաս էին կազմում։ Մասնավորապես, նրանք կապված էին 20 երկրների և իրավասությունների հետ, այդ թվում՝ Բելգիայի, Միացյալ Թագավորության, Հոնկոնգի, Հնդկաստանի, Իտալիայի, Կիպրոսի, Մարշալյան կղզիների, Արաբական Միացյալ Էմիրությունների, Պանամայի, Ռումինիայի, Սինգապուրի, Թուրքիայի, Ֆրանսիայի և Շվեյցարիայի հետ։
Հետևեք մեզ տելեգրամում
