Իսրայելն Արաբական Միացյալ Էմիրություններից տարհանում է իր դիվանագիտական առաքելության աշխատակիցների մեծ մասին այն բանից հետո, երբ Իսրայելի Ազգային անվտանգության խորհուրդը խստացրել է իր ճանապարհորդական նախազգուշացումը Պարսից ծոցի երկրում գտնվող իսրայելցիների համար։ Այս մասին հայտնում են իսրայելական լրատվամիջոցները։
«Մենք ընդգծում ենք այս ճանապարհորդական նախազգուշումը՝ հաշվի առնելով, որ մենք հասկանում ենք, որ ահաբեկչական կազմակերպությունները (իրանցիները, «ՀԱՄԱՍ»-ը, «Հեզբոլլահ»ը և «Գլոբալ Ջիհադը») մեծացնում են Իսրայելին վնաս հասցնելու իրենց ջանքերը»,-ասվում է Ազգային անվտանգության խորհրդի հայտարարության մեջ։
Իսրայելի ԱԱԽ-ն զգուշացրել է ԱՄԷ-ում Իսրայելի քաղաքացիներին և հրեա անհատներին թիրախավորելու հնարավոր փորձերի մասին, հատկապես հրեական տոների և Շաբաթի շրջանում։
Իսրայելի ԱԳՆ-ը դեռ չի արձագանքել այս լուրին։
Հետևեք մեզ տելեգրամում
