ԵՄ երկրները պետք է ընդունեն, որ Գազայի հատվածում Իսրայելի գործողությունների վերաբերյալ դատապարտող խոսքերի ժամանակն անցել է, և Եվրոպան պետք է սկսի կոնկրետ գործողություններ ձեռնարկել հրեական պետության նկատմամբ սահմանափակումներ կիրառելու համար: Իսրայելի հետ ասոցացման համաձայնագրի և այլ պայմանագրերի վերանայման շրջանակներում ԵՄ-ն կարող է պատժամիջոցներ կիրառել 10 տարբեր ոլորտներում, հայտարարել է Իռլանդիայի արտաքին գործերի նախարար Սայմոն Հարիսը։
«Ես ուզում եմ իռլանդացի ժողովրդի անունից հստակեցնել, որ դատապարտման խոսքերի ժամանակը պետք է ավարտվի, դատապարտման խոսքերը կարևոր են, բայց ակնհայտորեն բավարար չեն։ Մենք վաղուց ենք կողմ ենք Իսրայել-ԵՄ ասոցացման համաձայնագրի վերանայմանը, ինչը վերջապես տեղի է ունենում։ Բացարձակ պարզ է, որ Իսրայելը չի կատարում մարդու իրավունքների վերաբերյալ իր պարտավորությունները։ ԵՄ առանձին երկրներ ասում են, որ Իսրայելին պետք է ժամանակ տրվի փոխելու իր վարքագիծը, բայց ոչինչ չի փոխվել։ Եվ աշխարհն այժմ նայում է Եվրոպային՝ տեսնելու, թե արդյոք այն գործելու է։ Կան 10 տարբեր ոլորտներ, որոնք Եվրոպան նշել է, որտեղ կարող են պատժամիջոցներ կամ այլ միջոցառումներ կիրառվել Իսրայելի դեմ»,-ասել է Հարիսը՝ Կոպենհագենում ԵՄ արտաքին գործերի և պաշտպանության նախարարների ոչ պաշտոնական հանդիպմանը ժամանելուն պես։
Նա հավելել է, որ հանդիպման ժամանակ մտադիր է ԵՄ բոլոր երկրների ներկայացուցիչների հետ քննարկել հնարավոր սահմանափակումները։
Հետևեք մեզ տելեգրամում
