Իսրայելական զինվորականները առգրավել են «Սումուդ» նավատորմի ինը նավ, որոնք պաղեստինցիների համար մարդասիրական օգնություն էին տեղափոխում Գազայի հատված: Այս հաղորդել է Միջազգային առաքելության տեղեկատվական կոմիտեն։
«Իսրայելի օկուպացիոն ուժերը հարձակվել և գրավել են առաքելության ինը նավ»,-հայտնել է կոմիտեն՝ նշելով, որ իսրայելական զինվորականները «ուժ են կիրառում նավերի դեմ, դիտավորյալ բախումներ հրահրում, օգտագործում են ջրցան մեքենաներ և վատ են վերաբերվում ձերբակալված ակտիվիստներին»։
«Սումուդ» նավատորմը սեպտեմբերի կեսերին Թունիսի ափերից մեկնել է դեպի Գազա։ Այն բաղկացած էր տարբեր երկրների պատկանող ավելի քան 40 նավերից, որոնցից մեկի վրա էր գտնվում շվեդ իրավապաշտպան Գրետա Թունբերգը։ Առաքելության նպատակն էր ճեղքել Գազայի հատվածի շրջափակումը և մարդասիրական օգնություն հասցնել տուժած բնակչությանը։
Հետևեք մեզ տելեգրամում
