Հռոմի պապ Լևոն XIV-ը իր առաջին արտասահմանյան այցը կկատարի Թուրքիա և Լիբանան: Սուրբ Աթոռի մամուլի ծառայությունը հայտարարել է, որ այն տեղի կունենա նոյեմբերի վերջին և դեկտեմբերի սկզբին։
«Ընդունելով այդ երկրի ղեկավարության և եկեղեցական իշխանությունների հրավերը՝ Հռոմի պապ Լևոն XIV-ը նոյեմբերի 27-ից 30-ը առաքելական այց կկատարի Թուրքիա՝ ուխտագնացություն կատարելով Իզնիկում՝ Նիկիայի Առաջին ժողովի 1700-ամյակի առթիվ։ Այնուհետև, Լիբանանի քաղաքական ղեկավարության և եկեղեցական իշխանությունների հրավերով պապը նոյեմբերի 30-ից դեկտեմբերի 2-ը կայցելի այդ երկիր»,-հայտնել է մամուլի ծառայության տնօրեն Մատեո Բրունին։
Իզնիկում (հին Նիկիա) Առաջին Տիեզերական ժողովի տարեդարձի տոնակատարությունները սկզբնապես նախատեսված էին մայիսին՝ նախորդ պապ Ֆրանցիսկոսի մասնակցությամբ։ Նա մահացավ ապրիլին, և նրա հաջորդը՝ Լևոն XIV-ը, անմիջապես հաստատեց Իզնիկ այցելելու մտադրությունը։
Հետևեք մեզ տելեգրամում
