Էրդողանը շնորհավորել է Պուտինին ծննդյան օրվա կապակցությամբ

Թուրքիայի նախագահ Ռեջեփ Թայիփ Էրդողանը և ՌԴ նախագահ Վլադիմիր Պուտինը հեռախոսազրույց են ունեցել։

Զրույցի ընթացքում քննարկվել են Թուրքիա-Ռուսաստան երկկողմ հարաբերությունները, ինչպես նաև տարածաշրջանային և գլոբալ հարցեր։
Էրդողանը նշել է, որ Թուրքիան ջանքեր է գործադրում Գազայում հրադադարի հաստատման և մարդասիրական օգնության մուտքն ապահովելու համար։

Նա հավելել է, որ անհրաժեշտ է արագացնել դիվանագիտական նախաձեռնությունները՝ Ուկրաինա-Ռուսաստան պատերազմը արդար և կայուն խաղաղությամբ ավարտելու նպատակով՝ ընդգծելով, որ Թուրքիան շարունակելու է աշխատել խաղաղության հաստատման ուղղությամբ։

Զրույցի ընթացքում Էրդողանը շնորհավորել է Պուտինին ծննդյան օրվա կապակցությամբ։