Փարիզի դատախազը Լուվրից գողացված կայսերական զարդերի արժեքը գնահատել է 88 միլիոն եվրո։ Սակայն այդ թիվը չի ներառում դրանց պատմական արժեքը Ֆրանսիայի համար։
Դատախազ Լորա Բեկկոն նշել է. «Մենք հույս ունենք, որ նրանք կմտածեն այդ մասին և չեն ոչնչացնի զարդերն առանց պատճառի»։ Այս պահին գողության գործով ներգրավված է մոտ 100 քննիչ։
Ավելի վաղ Ֆրանսիայի մշակույթի նախարարը հայտարարել էր, որ Լուվրում տեղադրված անվտանգության համակարգը գողության պահին պատշաճ կերպով է գործել, սակայն մանրամասներ չի հայտնել այն մասին, թե ինչպես է գողերին հաջողվել իրականացնել կողոպուտը, հաշվի առնելով, որ տեսախցիկներն աշխատում էին։
Պաշտոնյաների խոսքով՝ կողոպուտը տևել է ընդհանուր առմամբ 8 րոպե։ Նրանք Լուվրի ներսում անցկացրել են չորսից պակաս։ Ֆրանսիայի մշակույթի նախարարի խոսքով՝ միջադեպը «վերք է մեզ բոլորիս համար»։ «Լուվրը միայն աշխարհի ամենամեծ թանգարանը չէ։ Դա մեր ֆրանսիական մշակույթի և մեր ընդհանուր ժառանգության դեմքն է»,- ասել է Ռաշիդա Դատին։
Հետևեք մեզ տելեգրամում
