Լուվրում տեղի ունեցած աղմկահարույց գողությունից մի քանի ժամ անց Վերին Մառնի դեպարտամենտի Լանգր քաղաքում անհայտ անձինք կողոպտել են «Դենի Դիդրոյի լուսավորության տունը»՝ ֆրանսիացի գրողի և փիլիսոփայի անվան թանգարանը։
France Info ռադիոկայանը, վկայակոչելով քաղաքապետարանի հայտարարությունը, նշում է, որ կորել է «թանգարանի գանձերի» մի մասը:
Անհայտ անձինք գողացել են ոսկե և արծաթե մետաղադրամների հավաքածուն, որոնք հատվել են 18-ից մինչև 19-րդ դարերն ընկած ժամանակաշրջանում: Մյուս ցուցանմուշները չեն վնասվել: Ընթանում է հետաքննություն:
Ենթադրաբար, գողերը թանգարան են մտել հոկտեմբերի 19-ի լույս 20-ի գիշերը: Մուտքի դուռը կոտրելով բացել են, իսկ ցուցափեղկը՝ ջարդել:
«Դենի Դիդրոյի լուսավորության տունը» փակ է այցելության համար:
Ֆրանսիայի Ներքին գործերի նախարարությունը հայտարարել է թանգարանների և մշակութային ժառանգության օբյեկտների շուրջ անվտանգության միջոցների անհապաղ ուժեղացման մասին:
Հետևեք մեզ տելեգրամում
