Իրանի արտաքին գործերի նախարար Աբբաս Արաղչին հայտարարել է, որ Իրանը չի վերսկսի ԱՄՆ-ի հետ միջուկային բանակցությունները, քանի դեռ Վաշինգտոնը չի հրաժարվել իր չափազանց մեծ պահանջներից։
«Մենք չենք վերադառնա բանակցությունների սեղանի շուրջ, մինչև ամերիկացիները չհրաժարվեն իրենց ագահ քաղաքականությունից և չդադարեն անհիմն պահանջներ ներկայացնելուց»,-ասել է Արաղչին՝ նշելով, որ Իրանի և ԱՄՆ-ի միջև նախորդ բանակցությունները, այդ թվում՝ սեպտեմբերին Նյու Յորքում՝ ՄԱԿ-ի Գլխավոր ասամբլեայի շրջանակներում, տեղի ունեցած շփումները կասեցվել են և առաջընթաց չեն գրանցել հենց ամերիկյան կողմի չափազանց շատ պահանջների պատճառով։
Հոկտեմբերի 20-ին Իրանի արտաքին գործերի նախարարության խոսնակ Էսմայիլ Բաղաեին հայտնել է, որ Թեհրանը շարունակում է Վաշինգտոնի հետ հաղորդագրություններ փոխանակել միջնորդների միջոցով, սակայն վաղաժամ է այդ բանակցությունները սկսելը։
Հետևեք մեզ տելեգրամում
