Ֆուտզալի Հայաստանի հավաքականը պատմության մեջ առաջին անգամ կմասնակցի Եվրոպայի առաջնության եզրափակիչ փուլին

Հոկտեմբերի 24-ին՝ ժամը 13:00-ին, (Երևանի ժամանակով), Կաունասի «Ժալգիրիս» Արենայում կկայանա Ֆուտզալի ԵՎՐՈ-2026-ի եզրափակիչ փուլի վիճակահանությունը։ Մասնակցող 16 երկիր կբաժանվի 4 խմբի՝ A-D։ Յուրաքանչյուր խմբի 2 լավագույն հավաքական դուրս կգա փլեյ-օֆֆ։ Այս մասին հայտնում են ՀՖՖ-ից:

Հյուրընկալող 3 հավաքական՝ Լատվիան, Լիտվան և Սլովենիան, կլինեն համապատասխանաբար A, B և C խմբերում։

1-ին զամբյուղ՝ Պորտուգալիա (գործող չեմպիոն), Իսպանիա, Ուկրաին, Ֆրանսիա

2-րդ զամբյուղ՝ Խորվաթիա, Իտալիա, Սլովենիա (հյուրընկալող), Չեխիա

3-րդ զամբյուղ՝ Լեհաստա Հայաստան,Վրաստան, Բելառուս

4-րդ զամբյուղ՝ Բելգիա, Հունգարիա, Լատվիա (հյուրընկալող), Լիտվա (հյուրընկալող)

Եզրափակիչը կանցկացվի 2026թ․ հունվարի 21-ից փետրվարի 7-ը:

Հիշեցնենք, որ Հայաստանի ֆուտզալի ազգային հավաքականը որակավորման փուլում անպարտելի էր՝ 5 հաղթանակ, 1 ոչ-ոքի։ Ռուբեն Նազարեթյանի թիմը 6-րդ խմբում 16 միավորով գրավեց առաջին հորիզոնականը և պատմության մեջ առաջին անգամ կմասնակցի Եվրոպայի առաջնության եզրափակիչ փուլին։