ԻՀՊԿ.ԱՄՆ-ի և Իսրայելի հետախուզական կառույցների կողմից ղեկավարվող դիվերսիոն ցանց է բացահայտվել

ԻՀՊԿ-ի հետախուզական ծառայությունը հայտարարել է, որ Իրանում բացահայտվել և ոչնչացվել է ԱՄՆ-ի և Իսրայելի հետախուզական կառույցների կողմից ղեկավարվող դիվերսիոն ցանց։ Հայտնում է իրանական Tasnim լրատվական գործակալությունը:

Հաղորդվել է, որ Իրանի մի քանի նահանգներում իրականացված համաժամանակյա գործողությունների արդյունքում դիվերսիոն ցանցի անդամները հայտնաբերվել և ձերբակալվել են։ Ըստ իրանական կողմի հաղորդագրության՝ խումբը ստեղծվել է ընթացիկ տարվա աշնան կեսին «երկրի անվտանգությունը խաթարելու նպատակով»:

Նշենք, որ Իսրայելի և ԻԻՀ միջև 12-օրյա պատերազմի ընթացքում և դրանից հետո Իրանի անվտանգային ուժերը պարբերաբար հայտնում են լրտեսական ցանցերի բացահայտման մասին: