Աշխարհի 2026 թվականի առաջնության եվրոպական գոտու որակավորման փուլի F խմբի 5-րդ տուրում Հայաստանի ազգային հավաքականը սեփական հարկի տակ՝ Վազգեն Սարգսյանի անվան «Հանրապետական» մարզադաշտում կմրցի Հունգարիայի ընտրանու հետ։
Նախախաղային մամուլի ասուլիսի ընթացքում լրագրողների հարցերին պատասխանեց Հունգարիայի հավաքականի և անգլիական «Լիվերպուլի» ձախ պաշտպան Միլոշ Կերկեզը։
«Կարծում եմ, Հայաստանի հավաքականը շատ լավ թիմ է, կազմված իսկական մարտիկներից, որոնք խաղադաշտում պայքարում են միմյանց համար։ Միշտ դժվար է խաղալ նման թիմերի դեմ։
Ազգային թիմում մթնոլորտը միշտ լավ է․ մենք մեծ ընտանիքի պես ենք։ Բոլորն իրենց լավ են զգում, և մենք պետք է դա ցույց տանք խաղադաշտում։ Ուրախ եմ, որ այս անգամ խաղադաշտում կլինեն նաև Բարնաբաշ Վարգան և Ռոլանդ Շալայը, որոնք բաց թողեցին տնային խաղը, քանի որ նրանք մեզ համար շատ կարևոր խաղացողներ են։ Հուսով եմ՝ կկարողանանք տուն վերադառնալ լավ արդյունքով», — ասաց Կերկեզը։
Հայաստան – Հունգարիա հանդիպումը կկայանա նոյեմբերի 13-ին, Երևանի ժամանակով 21։00-ին։
Հետևեք մեզ տելեգրամում
