Թուրքիայի նախագահ Ռեջեփ Թայիփ Էրդողանն Անկարայում հանդիպել է Ուկրաինայի նախագահ Վոլոդիմիր Զելենսկու հետ։ Նախագահները քննարկել են երկկողմ հարաբերությունները և ռուս-ուկրաինական համակամարտությունը։
Ermenihaber.am-ի փոխանցմամբ՝ կողմերը հանդես են եկել համատեղ մամուլի ասուլիսով, որի ընթացքում Էրդողանը նշել է, որ օգտակար կլինի վերսկսել Ստամբուլի գործընթացն առավել համապարփակ բովանդակությամբ։ Թուրքիայի նախագահը վերահաստատել է, որ աջակցում են իրենց ռազմավարական գործընկեր Ուկրաինայի տարածքային ամբողջականությանը, ինքնիշխանությանը և անկախությանը։
«Այս համատեքստում կցանկանայի նշել, որ մենք կշարունակենք աջակցել Ղրիմի թաթարներին, որոնք յուրահատուկ պատմական և մշակութային կապ ունեն Ուկրաինայի հետ»,- հավելել է Էրդողանը։
Անդրադառնալով երկկողմ հարաբերություններին՝ Էրդողանը նշել է, որ մտադիր են Ուկրաինայի հետ առևտրի ծավալները հասցնել 10 մլրդդ դոլարի։
Հետևեք մեզ տելեգրամում
