Բաքու այցելած Հայաստանի քաղհասարակության անդամները հանդիպել են Ադրբեջանի նախագահի օգնական Հիքմեթ Հաջիևի հետ։ Այդ մասին հայտնում են ադրբեջանական լրատվամիջոցները։
Քննարկվել են Հայաստանի և Ադրբեջանի միջև խաղաղության գործընթացը և մոտ ապագայում իրականացվող համատեղ նախագծերը։ Պայմանավորվածություն է ձեռք բերվել ուղիղ կապեր հաստատել փորձագիտական խմբերի միջև, շարունակել աշխատանքային մակարդակով շփումները և պլանավորել ապագա փոխայցելություններ։







