«Կատյուշա» երգի պատճառով Ուկրաինան սպառնացել է Թուրքիային զրկել զբոսաշրջիկներից

Թուրքիայում Ուկրաինայի դեսպան Անդրեյ Սիբիգան սպառնացել է Թուրքիային զրկել զբոսաշրջիկներից՝ Ալանիայի փողոցներում «Կատյուշա» երգի կատարման պատճառով։

«Ուզում եմ հավատալ, որ Ալանիայի մեր թուրք բարեկամներին պարզապես շփոթեցրել են։ Ալանիայի քաղաքապետարանի կողմից նման սադրիչ ակցիային աջակցության ցուցաբերումը արհամարհանք է միլիոնավոր ուկրաինացիների զգացմունքների նկատմամբ։ Միթե հիասքանչ Ալանիայում այլևս ուրախ չեն ուկրաինացի զբոսաշրջիկներ տեսնել»,- գրել է դեսպանը թվիթերյան իր միկրոբլոգում։

Գրառմանը կից Սիբիգինը հրապարակել է տեսանյութ, որտեղ միկրոավտոբուսի վրա կանգնած ռուսական զինվորական համազգեստով մի խումբ քաղաքացիներ Հայրենական պատերազմի հաղթանակի 75-ամյակի առթիվ ռուսերենով երգում են «Կատյուշա» երգը։

Նշենք, որ չնայած համավարակին՝ թուրքական «Turkish Airlines» ավիաընկերությունը նախատեսում է հունիսին վերականգնել ավիահաղորդակցումը 19 երկրների հետ, իսկ մինչև սեպտեմբեր վերագործարկված թռիչքային ուղղությունների թիվը կհասցվի 99-ի։

Alanya’daki Türk dostlarımızın yanıltıldığını düşünmek istiyorum. Alanya Belediyesinin provokatif eylemi desteklemesi milyonlarca Ukraynalıların duygularına saygısızlık göstergesidir. Gerçekten güzel Alanya’da 🇺🇦Ukraynalı turist artık istenmiyor mu? pic.twitter.com/WgOZNY9iEE
— Andrii Sybiha 🇺🇦 (@andrii_sybiha) May 11, 2020