Ընտրվել է Վրաստանի նոր կաթողիկոս-պատրիարքը

Վրաց Ուղղափառ եկեղեցու ընդլայնված ժողովում Վրաստանի նոր՝ 142-րդ կաթողիկոս-պատրիարք է ընտրվել Շիո III Մուջիրին: Այդ մասին հայտնում են վրացական լրատվամիջոցները։ Նշենք, որ ժամեր առաջ մեկնարկել էր վրաց ուղղափառ եկեղեցու ընդլայնված ժողովը։ Քվեարկությունն անցկացվել է երեք թեկնածուների միջև, որոնց ապրիլին ընտրել է Վրաց ուղղափառ եկեղեցու Սուրբ սինոդը:

Հիշեցնենք, որ Համայն Վրաստանի Կաթողիկոս-Պատրիարք Իլյա II-ը մահացել էր սույն թվականի մարտի 17-ին՝ 94 տարեկանում։ Նրա պատրիարքությունը ամենաերկարն էր Վրաց ուղղափառ եկեղեցու պատմության մեջ։