ՀՀ վարչապետ Նիկոլ Փաշինյանն ապրիլի 1-ին ՌԴ կատարած այցի ժամանակ նախագահ Վլադիմիր Պուտինին տեղեկացրել է, որ նախընտրական քարոզարշավի բերումով չի կարողանալու մասնակցել մայիսի 28-ին Աստանայում կայանալիք ԵԱՏՄ ղեկավարների նիստին։ Այս մասին այսօր լրագրողների հետ ճեպազրույցի ժամանակ հայտնել է վարչապետը։
«Այն ժամանակ նույնիսկ չգիտեի՝ հրավեր լինելո՞ւ է, թե՞ ոչ, բայց քաղաքավարությունից ելնելով և հարգանքի արտահայտման տրամաբանությամբ նախապես տեղեկացրել եմ, որ չեմ կարողանալու մասնակցել մայիսի 9-ի շքերթին և մայիսի 28-ին էլ չեմ կարողանալու մասնակցել»,- ասել է նա ՝ նշելով, որ նախորդ օրը զանգահարել է Ղազախստանի նախագահին և տեղեկացրել, որ չի մասնակցելու:
ԵԱՏՄ ղեկավարների նիստին կմասնակցի փոխվարչապետ Մհեր Գրիգորյանը։
Հետևեք մեզ տելեգրամում
