Հայաստանում Իրանի դեսպանատունը արձագանքել է «Եվրատեսիլ» միջազգային երգի մրցույթի ժամանակ իսրայելական «Kan 11» պետական հեռուստաալիքի կողմից Հայաստանն Ադրբեջանի դրոշով ներկայացնելու միջադեպին։
«Ոչ ոք չի կարող Հայաստանի գեղեցիկ դրոշի փոխարեն այլ դրոշ ցույց տալ։ Հայաստանը պատմական և քաղաքակրթական ազգ է, և Իրանը միշտ եղել է նրա կողքին»,- նշվել է ՀՀ-ում Իրանի դեսպանության X-ի էջում։
Նշենք, որ այդ միջադեպից հետո Հայաստանի Հանրային հեռուստաընկերությունը դիմել էր Իսրայելի հանրային հեռարձակողին՝ պարզաբանումների պահանջով: Ավելի ուշ Իսրայելի հանրային հեռարձակող կորպորացիան հրապարակային ներողություն էր խնդրել։
Հետևեք մեզ տելեգրամում
