Մայիսի 17-ին Աբու Դաբիի մոտակայքում գտնվող «Բարաքա» ատոմակայանում անօդաչու թռչող սարքի հարվածից հետո հրդեհ է բռնկվել: Այս մասին հայտնում է Աբու Դաբիի լրատվական գործակալությունը։
Ըստ ԱՄԷ իշխանությունների՝ հրդեհը բռնկվել է ատոմակայանի տարածքի արտաքին հատվածում գտնվող էլեկտրական գեներատորում։ Նշվում է, որ միջադեպը չի ազդել կայանի հիմնական համակարգերի աշխատանքի վրա։ Զոհերի կամ վիրավորների մասին տեղեկություններ չեն հաղորդվում։ Հայտնի չէ նաև, թե որտեղից է իրականացվել հարվածը:
Անդրադառնալով միջադեպին՝ Ատոմային էներգիայի միջազգային գործակալությունը (ԱԷՄԳ) հայտարարել է, որ միջուկային անվտանգությանը սպառնացող ցանկացած ռազմական գործողություն անընդունելի է։ Գործակալությունը նաև հայտնել է, որ կայանում ճառագայթման մակարդակը մնում է նորմայի սահմաններում։
Հետևեք մեզ տելեգրամում
