Իրանի դեմ ծովային շրջափակման մեկնարկից ի վեր ամերիկյան զինված ուժերը վերաուղղորդել են 121 առևտրային նավ և շարքից դուրս բերել 5-ը: Այս մասին հայտնել է ԱՄՆ Կենտրոնական հրամանատարությունը (CENTCOM):
CENTCOM-ը նաև զգուշացրել է, որ մինչև հետագա հրահանգները կշարունակի արգելափակել Իրանի նավահանգիստներ ուղևորվող և այնտեղից դուրս եկող բոլոր նավերի տեղաշարժը։
Հիշեցնենք, որ ԱՄՆ-ն Իրանի դեմ ծովային շրջափակում է սկսել ապրիլի 13-ին: Դրա վերացման հարցը Իրան-ԱՄՆ միջնորդավորված բանակցությունների օրակարգում էր, սակայն Լիբանանում Իսրայելի ռազմական գործողությունների շարունակման ֆոնին Թեհրանը սպառնացել է, որ կարող է դադարեցնել ԱՄՆ հետ երկխոսությունը:
Հետևեք մեզ տելեգրամում
