Ի պատասխան Լիբանանում Իսրայելի ռազմական գործողությունների շարունակման և ընդլայնման՝ Իսլամական հեղափոխության պահապանների կորպուսը հրթիռային հարվածներ է հասցրել Իսրայելի տարածքին։ Այս մասին հայտնում են իրանական ԶԼՄ-ները:
Իրանի «Խաթամ ալ-Անբիա» կենտրոնական շտաբը հանդես է եկել պաշտոնական հայտարարությամբ՝ զգուշացնելով, որ եթե Իսրայելը շարունակի իր գործողությունները կամ փորձի պատասխանել այս հարվածներին, ապա Թեհրանի հաջորդ քայլերը կլինեն շատ ավելի կոշտ:
Այնուամենայնիվ, արդեն առավոտյան տարածաշրջանային լրատվամիջոցներում լուրեր են շրջանառվել Իսրայելի կողմից իրականացված պատասխան գործողությունների մասին։ Ըստ նախնական տեղեկությունների՝ իսրայելական ուժերը թիրախավորել են Իրանի մի քանի խոշոր քաղաքներ, այդ թվում՝ մայրաքաղաք Թեհրանը, Սպահանը և Թավրիզը։
Իրանական կողմից առայժմ հայտնել են, որ Իսրայելի թիրախում է հայտնվել Իրանի հարավ-արևմուտքում գտնվող Մահշահր քաղաքի նավթաքիմիական ընկերությունը: Սա ապրիլին հայտարարված հրադադարից հետո Իրան-Իսրայել առաջին ուղիղ առճակատումն է:
Հետևեք մեզ տելեգրամում
