Տնտեսության միջին տարեկան աճի տեմպով Հայաստանը երկրորդն է հարևանների շարքում

2021-2025 թվականներին Հայաստանի տնտեսության միջին տարեկան աճի տեմպը կազմել է 7.9%։ Այս ցուցանիշով Հայաստանը երկրորդն է հարևան երկրների շարքում: Այս մասին հայտնում է ACSES վերլուծական կենտրոնը:

Ըստ կենտրոնի՝ 2021-2025 թվականներին Հայաստանի և սահմանակից երկրների բոլոր տնտեսությունները աճել են։ Միջին տարեկան աճի ամենաբարձր մակարդակը գրանցվել է Վրաստանում (9.3%), իսկ ամենացածր տնտեսական աճը՝ Ադրբեջանում (3.4%)։ Իրանում և Թուրքիայում արձանագրվել է համապատասխանաբար՝ 3.6% և 5.8% աճ:

Տնտեսությունների միջին տարեկան աճի տեմպերը հաշվարկվել են միջին տարեկան բաղադրյալ աճի տեմպի (Compound Annual Growth Rate) բանաձևով։