Ուկրաինայի նախագահ Վոլոդիմիր Զելենսկին երկրի անվտանգության ծառայության ղեկավարի հետ խորհրդակցությունից հետո հայտարարել է, որ հաստատել է 40-օրյա գործողությունների ծրագիր՝ Ռուսաստանի վրա «ազդեցություն գործելու» և պատերազմի դադարեցումը հարկադրելու նպատակով։ Փոխանցում է Reuters-ը:
«Ես հաստատել եմ Ծառայության կողմից ագրեսոր պետության դեմ իրականացվելիք 40-օրյա ազդեցության գործողության ծրագիրը՝ ճնշում գործադրելու պատերազմի ավարտին հասնելու համար»,- X-ի իր էջում գրել է Զելենսկին։
Նշենք, որ Ուկրաինան վերջին շրջանում ակտիվացրել է Ռուսաստանի տարածքի կամ ՌԴ կողմից վերահսկվող գոտիների ուղղությամբ թիրախային հարվածները: Դրանք հիմնականում կենտրոնացված են նավթային օբյեկտների վրա: Միաժամանակ Զելենսկին պարբերաբար հանդես է գալիս պատերազմին վերջ տալու համար Մոսկվայի հետ հանդիպում անցկացնելու առաջարկներով:
Հետևեք մեզ տելեգրամում
